Pe splequé la nèi foudreu partì di riode di mèinoù
Brr… Que frette! La nèi l’a comenchà a topé le poueunte di montagne. Semble eun mantì que, pe le lon mèise de l’èivir, toppe le crihe comme se suche an queverta que le protèdze.
Eun cou dz’i lluzù que pe splequé la nèi foudreu partì di riode di mèinoù. Vo rapelode le-z-èivir de can n’ion mèinoù? Le man que, a fouse de fée de touco de nèi, bailoon lo tor, le pià eunmourtì a coza di frette… mi se pouchè po tourné a mèizón perqué y ie eungn’otra pente a fée atò lo bob. É le bataille atò la nèi? Surtoù eun montagne. Tcheu catchà dirì lo boueuille ou eun bèrio, preste a lanché le polotte de nèi eun tiha i premii que pasoo. Mi, surtoù, vo-ze rapélode le riode?! Can no rijòn canque a sentì mou i ventro é le dzoute tremblé. Aprì no galopoon a mèizón, protso di fornette avouì pappa é mamma que no-ze rognoon pequè l’ie dza dèi pouza que no-ze quèrioon. No touhoon le gan é le man l’ion totte blantse a coza di frette. De cou fèijòn finque mou péquè l’ion totte dzaléye. Paé pappa, eun borbotèn, prégnè me man euntre le sin-e é me le froutoo foo pe le tsoidé plan plan. Borbotoo, vouè, mi atò eun gran sourie.
Le botte, étò, l’ion totte blette, paé no le cayoon p’an coueugne é no-ze beutoon leste protso i fouà pe no-ze tsoidé le pià. Mamma no-ze fèijè eun té tsoo ou, de cou, an chocolatta tsoda. N’ayòn le dzoute rodze é lo nou dzaló, mi lo sourie s’épatoo d’eun bouigno a l’otro.
Ara, can dze vèyo aréé la nèi, me semble de revire hisse moumàn lé, sento tourna le mime-z-émochón d’adón. La nèi resèi, euncò i dzor de vouì, a me fée vin-i voya de galopé é de me cayé i mentèn de la nèi avouì eun grou sourie… que l’è caze lo mimo que dz’ayò can dz’io raga.
Bon Tsalendre é Bon An a tcheutte!!
----------------------------
Brr…che freddo! La neve ha iniziato a ricoprire le punte delle montagne. Sembra un mantello che va a coprire le creste per l’inverno, una bella coperta per proteggerle.
Una volta ho letto che per spiegare la neve si dovrebbe iniziare dalle risate dei bambini. Ma vi ricordate gli inverni di quando eravamo bambini? Le mani gelate a fare pupazzi di neve, i piedi che facevano male dal freddo, ma non si poteva tornare a casa perché c’era ancora una discesa da fare in bob. E le battaglie di neve? Soprattutto in montagna. Tutti nascosti dietro la fontana o dietro un masso, pronti a lanciare palle di neve in testa a qualcuno. Ma, soprattutto, vi ricordate le risate?! Quanto ridevamo, fino a sentire mal di pancia e le guance che tremano. Dopo correvamo a casa, vicino alla stufa con papà e mamma che ci sgridavano perché era già da un momento che ci chiamavano per rientrare. Toglievamo i guanti e le mani erano tutte bianche dal freddo. A volte facevano anche male, perché erano tutte gelate. Così papà, borbottando, prendeva le mie mani tra le sue e me le strofinava forte per scaldarle lentamente. Borbottava, sì, ma con un grande sorriso sul viso.
Le scarpe, anche, erano tutte bagnate, così le buttavamo in un angolo e veloci ci mettevamo vicino al fuoco a scaldarci i piedi. La mamma ci faceva un tè caldo o, a volte, la cioccolata calda. Avevamo tutte le guance rosse rosse e il naso gelato, ma il sorriso andava da un orecchio all’altro.
Ora quando torna la neve, rivivo quei momenti, risento quelle emozioni. Così la neve riesce, ancora oggi, a farmi venire il sorriso, riesce a darmi la voglia di correre e di buttarmi in mezzo alla neve con un sorriso enorme, che è quasi lo stesso di quello che avevo quand’ero bambina.
Buon Natale e buon anno a tutti!!