L’è aréó euncò hit an l’èitón!

L’er l’è tchandjà, le dzor  se fan pi queur, lo mateun, can chourtèn di micho, l’è euncò teuppe. Le foille di plante comenchon a tchandjé coleur é le montagne itor de nouhe paì se toppon de rodzo é de dzono. Fou tourna tèrié foua di credense le dro de l’èivir, le maille pezante, le tsèihón épesse. Lo natte, can eungn aruye di traille, fou dza fée an pitchouda flamó i fornè, péquè le meur son cru é fa caze frette. L’è aréó euncò hit an l’èitón. L’èitón l’è pe mè eunna di sèizón pi dzente de l’an. La nateua s’apreuste a se repouzé, a s’eundremù coutche mèise, é lo fa deun la magnii pi dzenta. Semble fran que l’ouèye no salué amoddo, eun spéèn que l’èivir no-ze semblèye po tro lon. Véo l’è dzen, d’èitón, fée an dzenta proméoda pe lo bouque. Le plante l’an tchandjà coleur pe se mouhé eunna pi dzenta de l’otra. Eun tendèn que te cour te vèi le foille rodze, dzone é marón que tsizon pe tèra devàn te jouè eun féyèn an pitchouda danhe. Lo flo que l’èitón pourte avouì sè l’è diféèn, l’è lo flo di fouà é di tsahagne, di tsèihón de lan-a que gateuillon le pià, di queverte é di seuppe tsode, de mèizón é di fameuille itor d’an tobla, di carte dzoyéte lo natte devàn que tchoué le lemii é alé se coutché dèizò lo pèise di trapoueunte pezante. Péquè, avouì l’èitón, to recomenche. Tournon euncomenché le-z-ecoule, lo traille, le bague de tcheu le dzor. Lo tsotèn no semble pae llouèn ! Sen todzor i galoppe. Mi, aplatode-vo-zè tcheutte eun moumàn, l’aèipró. Djeusto pe coutche menutte. Èitsode foua di vouhe mèizón, lèichode pèdre le téléfonne. Y è po djeusto lo traille, ou le-z-étude, ou le fateue a payé. Èitsode le coleur de la nateua, prégnode-vo-zè eun moumàn pe vo fée halla dzenta proméoda pe lo bouque. Èitsode comme la lemii tsandze. Èitsode-vo-zè d’euntor é lèichode-vo-zè cocolé pe l’èitón.

----------------------------------------------------------------

L’aria è cambiata, i giorni si sono accorciati, la mattina, quando usciamo di casa, è ancora buio. Le foglie delle piante iniziano a cambiare colore e le montagne intorno ai nostri paesi si ricoprono di rosso e di giallo. Bisogna tirare di nuovo fuori dagli armadi i vestiti invernali, le maglie pesanti, le calze spesse. La sera, quando arrivi dal lavoro, si accende il fuoco, perché i muri sono freddi e fa quasi freddo. È arrivato anche quest’anno l’autunno. L’autunno è per me la più bella stagione dell’anno. La natura si prepara a riposarsi, ad addormentarsi qualche mese, e lo fa nel modo più bello. Sembra quasi che voglia salutarci bene, sperando che l’inverno non ci sembri poi così lungo. Quant’è bello l’autunno, mentre si fa una bella passeggiata nel bosco. Gli alberi hanno cambiato colore per farsi uno più bello dell’altro. Mentre passeggi vedi foglie rosse, gialle e marroni volteggiare a terra davanti ai tuoi occhi, come in una danza. I profumi che l’autunno porta con sé sono tanti: l’odore del fuoco e delle castagne, delle calze di lana che ti solleticano i piedi, di coperte e minestre calde, di casa e di famiglia intorno al tavolo, di carte giocate la sera prima di spegnere le luci e andare a dormire sotto il peso di trapunte pesanti. Perché, con l’autunno, tutto ricomincia. Ricominciano le scuole, il lavoro, le cose di tutti i giorni. L’estate ci sembra così lontana! Siamo sempre di fretta. Ma, fermatevi un attimo, nel tardo pomeriggio. Solo per qualche minuto. Guardate fuori da casa vostra, lasciate stare il telefono. Non c’è solo il lavoro, o lo studio, o le bollette da pagare. Guardate i colori della natura, prendetevi un attimo per fare quella passeggiata nel bosco. Guardate come la luce cambia. Guardatevi attorno e lasciatevi coccolare dall’autunno.